المساعد الشخصي الرقمي

مشاهدة النسخة كاملة : البكبوكة


اميرة الجزائر
08-30-2008, 22:40
http://vb.arabseyes.com/imgcache/52193.imgcache

البكبوكة اكلة جزائرية

مدة الطهي :ساعة و 30 دقيقة
المواد الضرورية
كرشة خروف
كلغ و نصف قرنون
كلغ و نصف جلبانة
ربطة كسبر
رأس ثوم
رأس فلفل حار
3 ملاعق كبيرة زيت
ملعقة صغيرة ملح
ربع ملعقة صغيرة فلفل أكحل
ملعقة كبيرة فلفل أحمر
حبة ليمون
ربع ملعقة كروية
ربع ملعقة كمون
كيفية الأعداد:
إ تبع الطريقة التالية لتنضيف الكرشة ضع ماء مغلي في إناء كبير ثم اسحب جميع الأمعاء المتصلة بالكرشة ، وافصلها عنها واغسل هذه بالماء البارد ثم ألقي بها في الماء المغلي بضع دقائق ثم اسحبها وضعها فوق قطعة خشب مبسطة وجعدها بسكين حتي تصبح نظيفة بيظاء ملساء أعد غسليها بالماء الساخن ثم قطعها جانبيا بحيث تستطيع غسليها من الداخل ثم نظف الأمعاء و اغسيلها جيدا ثم قطعها قطعا صغيرة و ضعها في إناء ،إصنع المسحوق من المواد الخاصة به ،و أضف له الزيت و لفلفل ا لأحمر، أضف الكل في الإناء ،اضف الماء ودع الإناء مدة ساعة على نار قوية.
و في هذه الأثناء قشر الجلبانة و نظف القرنون باالماء ثم بالليمون ،ثم اقسمه إلى شطرين ، و فى منتصف طهي الأمعاء ،أظف الخضر وبث فوقها الكسبر مع الإحتفاظ بقليل منه إلى النهاية ،إستمر في الطهي مدة 30 دقيقة ،دع المرق تتبخر ، إن كانت كثيرة ،ثم انثر فوق الأكلة ما بقي من نسحوق الكسبر.

حاتم03
08-30-2008, 22:51
مع ان الطريقة اعجبتني الا انني غيرت رايي في هذه الاكلة بعدما وجدت الكرشة فيها:sm40:
والله ما نحبها...نحو الكرشة ناكلها.:sm292:
لكي مني جزيل الشكر اختي اميرة على ما تجودين لنا به و للمطبخ الاغواطي عامة من افكار.
تقبلي تحياتي.

اميرة الجزائر
08-30-2008, 22:56
نتا غير قولي واش تحب و انا نحطو في القسم كو متهني
شكرا على المرور

RIYAD
08-30-2008, 22:56
موضوع شهي و رائع
شكراا لك جزيلا أختي الكريمة أميرة فهذا يعتبر من أروع مواضيعك بالمنتدى عامة و بالطبخ خاصة
موضوع متميز و رائع
فقد اكتشفنا من خلال موضوعك ماذا يكره حاتم في الأكل و هذا مفيد
باش كي سقسيني حاتم وش دايرين نقلو داين الكرشة
و تحيا الكرشة

اميرة الجزائر
08-30-2008, 22:59
عندك الحق الكرشة لرمضان هدا العام 30 يوم غير الكرشة
مسكين حاتم تاكل عليك في رمضان

حاتم03
08-30-2008, 23:03
عندك الحق الكرشة لرمضان هدا العام 30 يوم غير الكرشة
مسكين حاتم تاكل عليك في رمضان
ماعليش نكبر و ناكل غيرها..نورمال نحتمها على جالكم و علاه سماوني حاتم؟؟
نجي ناكلها عندكم في زوج نقول للعزوج تاعنا راني قاع مانفطرش في الدار هذا رمضان نص عند رياض و نص عند اميرة و هي فرات..وجدو الكرشة و لا الحطب..انا ناكل ناكل و ربي كبير:sm292:

اميرة الجزائر
08-30-2008, 23:10
كون تزيد تخبرنا واش ما تحبش تاني باش نوجدوهلك و مرحبا بيك

حاتم03
08-30-2008, 23:12
كون تزيد تخبرنا واش ما تحبش تاني باش نوجدوهلك و مرحبا بيك
شكرا اختي هذا من جود خاطرك و من حسن كرمك..
ياودي مانحبش نشرب الحليب و مانحبش الموشتو و مانحبش شوفلور مرقة و مانحبش.....الخ
المهم اللي عجبني ثاني و نسيت ماقلتوش هو انو اسم الطبخة..ظنيت اننا فقط نحن ناس الاغواط نعرفو مامعنى كلمة بكبوك..ولمزية لقيتو مؤنث من جهة اخرى:sm292:
شكرا اختي..

RIYAD
08-30-2008, 23:19
شوف يا حاتم باش تكون قسمة نتاع عدل اللي مقيد دار صاحبو يفطر عندو

و فرات

و أميرة مسكينة راه عدد الأعضاء: 5,329, قع مسكينة رايحين يفطرو عنها

اذا نخفو حنا عليها شوية

اميرة الجزائر
08-30-2008, 23:25
دير فيا مزيا يا رياض خاطرش حاسة ولا لازملي قفت رمضان باش نفوت الشهر

حاتم03
08-30-2008, 23:25
شوف يا حاتم باش تكون قسمة نتاع عدل اللي مقيد دار صاحبو يفطر عندو
و فرات
و أميرة مسكينة راه عدد الأعضاء: 5,329, قع مسكينة رايحين يفطرو عنها
اذا نخفو حنا عليها شوية
كي شفت روحك تعرف دارنا جاتك على سطاعش..نورمال يا رياض نعرف دار المدير تاع المنتدى نفوت عندو النصفية فقط و نتا نسقسي على داركم مش واعرة باش نعرفها..والبقية نخلولهم الراحة علابالنا نكثرو عليهم:sm292:

حاتم03
08-30-2008, 23:27
دير فيا مزيا يا رياض خاطرش حاسة ولا لازملي قفت رمضان باش نفوت الشهر
ماعلابالكش؟؟؟ راه المدير تاع المنتدى يقسم في قفة رمضان غير التحت التحت و سي خونا رياض راه ضارب فيها قفة شعبان و مازالو قفة رمضان و قفة العيد..
نورمال يا اختي..الخبز و شوي ما و حليب و هي فرات المهم نكسرو الصيام..:sm292: